🪷 "કેન્દ્રિય મંત્રીશ્રી નો પ્રવાસ"*🪷 🪷 *આજરોજ તળાજાની પાવન ધરતી પર જય જનની સાયન્સ સ્કૂલના પ્રાંગણે કેન્દ્રિય મંત્રીશ્રી મહેન્દ્રભાઈ મુંજપરા તેમજ રાષ્ટ્રીય ઉપાઘ્યક્ષ શ્રી ડો,ભારતીબેન ધીરુભાઈ શિયાળ અને ગુજરાત સરકાર નાકેન્દ્રીય મંત્રી મહેન્દ્રભાઈ મુંજપરાની અધ્યક્ષતામાં ઠાકોર સમાજનો સન્માન સમારોહ યોજાયો રાષ્ટ્રીય ઉપાધ્યક્ષા અને ભાવનગર બોટાદ જીલ્લાના સાંસદ ડૉ. ભારતીબેન શિયાળ અને જિલ્લા અધ્યક્ષ મુકેશભાઈની વિશેષ ઉપસ્થિતિ સુપ્રભાત સૌરાષ્ટ્ર - ભાવનગર ગુજરાતમાં વિધાનસભાની ચૂંટણીના પડઘમ વાગી રહ્યા છે ત્યારે આપણા દેશના વડાપ્રધાન નરેન્દ્રભાઈ મોદી દ્વારા સમગ્ર ગુજરાતમાં આગામી વિધાનસભા ચૂંટણીને લક્ષ્યમાં રાખીને કેન્દ્રીય મંત્રી મંડળનાં મંત્રીશ્રીઓને અલગ-અલગ વિધાનસભા ક્ષેત્રમાં વિવિધ સમાજો તેમજ વિવિધ વર્ગોનાં શ્રેષ્ઠીશ્રીઓને મળીને સમગ્ર દેશનાં વિકાસની વાતો છેવાડાના માનવી સુધી પહોંચે તેવા શુભઆશયથી મોકલી રહ્યા છે. ત્યારે આજ રોજ ભારત સરકારના કેન્દ્રીય મંત્રી મહેન્દ્રભાઈ મુંજપરા અને રાષ્ટ્રીય ઉપાધ્યક્ષા અને ભાવનગર બોટાદ જીલ્લાના સાંસદ ડૉ. ભારતીબેન શિયાળની અધ્યક્ષતામાં ઠાકોર સમાજનું ભવ્ય સંમેલન વિજયાદશમી - દશેરાના રોજ જય જનની વિધ્યાલય બપાડા તળાજા - ભાવનગર હાઈવે NH-51 ખાતે યોજાયું હતું. રાષ્ટ્રીય ઉપાધ્યક્ષા અને ભાવનગર બોટાદ જીલ્લાના સાંસદ ડૉ. ભારતીબેન શિયાળે જણાવ્યું હતું કે ચૂંટણીના પડઘમ વાગી ગયા છે તો આજે વિજયા દશમીના પાવન પર્વથી જ ચૂંટણી પ્રચારની શરૂઆત કરીએ છીએ, ઉમેદવાર કોઈ પણ આવે આપણી સરકારે કરેલ કામો લોકોના કાન સુધી પહોંચાડવાના છે. કેન્દ્રીય મંત્રી મહેન્દ્રભાઈ મુંજપરાએ સરકારની નવી નવી પોલિસી અને યોજનાની માહિતી આપી હતી. તેમણે તેમના બચપણ ના સ્મરણો તાજા કર્યા હતા તેમજ તેની ડોક્ટરની પ્રેકટીસની પણ યાદો તાજી કરી હતી. કેન્દ્રીય મંત્રી મહેન્દ્રભાઈ મુંજપરા અને રાષ્ટ્રીય ઉપાધ્યક્ષા અને ભાવનગર બોટાદ જીલ્લાના સાંસદ ડૉ. ભારતીબેન શિયાળનું દરેક સમાજના અગ્રણીઓ દ્વારા સન્માન કરવામાં આવ્યું હતું. કેન્દ્રીય મંત્રી મહેન્દ્રભાઈ મુંજપરાની ઉપસ્થિતિમાં ઠાકોર સમાજના લોકોએ ભાજપનો કેસરિયો ખેસ ધારણ કર્યો હતો. આ કાર્યક્રમમાં જીલ્લા અધ્યક્ષ મુકેશભાઈ લંગાળીયા, મહામંત્રી ભુપતભાઇ બારૈયા, હરેશભાઇ વાઘ, ઉપાધ્યક્ષ અશોકભાઈ સોલંકી, શહેર પ્રમુખ મહેન્દ્રસિંહ સરવૈયા સહિતના તળાજા તાલુકા ભાજપ પરીવારના પ્રદેશ - જીલ્લા - તાલુકા સંગઠન અને સેલ-મોરચાના દરેક હોદ્દેદારો તેમજ ચુંટણી લડેલા દરેક અગ્રણીઓ અને શક્તિ કેન્દ્ર ના સંયોજકઓ, પ્રભારીઓ અને બુથ પ્રમુખઓ બિએલ ઓ-2 અને વોટસએપ ગ્રૂપ ઈન્ચાર્જો અને દરેક કાર્યકર્તાઓ તેમજ દરેક સમાજના આગેવાનો હાજર રહ્યા હતા. બેઠક પુર્ણ થયા બાદ સૌએ સાથે ભોજન સાથે લીધું હતું.